Май 16
18:31
2020
Имрӯз, 16 майи соли равон Прокурори генералии Ҷумҳурии Тоҷикистон Юсуф Раҳмон баъд аз шифо ёфтан аз Маркази миллии илмии узв ва бофтаҳои инсон ба хона рухсат карда шуд.
Номбурда санаи 9 майи соли ҷорӣ бо ташхиси илтиҳоби дутарафаи шушҳо дар маркази мазкур ба табобат фаро гирифта шуда буд.
Прокурори генералии Ҷумҳурии Тоҷикистон Юсуф Раҳмон ба хизматрасонии тиббии маркази мазкур баҳои баланд дода, ба роҳбарияти Вазорати тандурустӣ ва ҳифзи иҷтимоии аҳолии Ҷумҳурии Тоҷикистон, инчунин, ба Директори Маркази миллии илмии узв ва бофтаҳои инсон Саидмаҳмуд Исмоилзода изҳори сипосу миннатдорӣ намуд.
![](https://moh.tj/wp-content/uploads/2018/04/8678.jpg")
