Бо мақсади иҷрои дастуру супоришҳои Асосгузори сулҳу ваҳдати миллӣ, Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон дар самти беҳтар намудани сатҳ ва сифати хизматрасонии тиббӣ ба аҳолӣ роҳбарияти Вазорати тандурустӣ ва ҳифзи иҷтимоии аҳолии Ҷумҳурии Тоҷикистон пайваста ба шаҳру навоҳии кишвар сафар намуда, бо вазъи муассисаҳои тандурустӣ аз наздик шинос шудаву бо беморон ва кормандони соҳа суҳбати озоду ошкоро анҷом дода, баҳри бартараф намудани мушкилот ва камбудиҳои ҷойдошта тадбирҳои муҳиму саривақтиро амалӣ менамояд.
Бо мақсади аз наздик шиносоӣ пайдо намудан бо фаъолияти муассисаҳои тандурустӣ муовини якуми вазири тандурустӣ ва ҳифзи иҷтимоии аҳолии мамлакат Ғафур Муҳсинзода ба вилояти Суғд сафар намуда, бо фаъолияти як қатор муассисаҳои тандурустии вилоят шинос шуд.
Аснои боздид муовини якуми вазир бо рафти хизматрасонии тиббии муассисаҳои тандурустӣ шинос шуда, ҳамзамон бо беморон ва наздикони онҳо суҳбати озоду ошкоро анҷом дод.
Ҳамзамон, Ғафур Муҳсинзода дар шаҳри Хуҷанд бо роҳбарияти Раёсати тандурустии вилояти Суғд, роҳбарони як қатор муассисаҳои тандурустии шаҳри Хуҷанд ва дигар кормандони соҳа вохурӣ намуд.
Дар вохурӣ масъалаҳои беҳтар намудани хизматрасонии тиббӣ ба аҳолӣ, бартараф намудани мушкилот ва камбудиҳои ҷойдошта ва дигар масъалаҳо мавриди таҳлил ва баррасӣ қарор гирифта шуда, ба масъулин дастуру супоришҳои мушаххас дода шуд.
![](https://moh.tj/wp-content/uploads/2018/04/8678.jpg")
