Ҷиҳати аз наздик шиносоӣ пайдо намудан бо фаъолияти муассисаҳои тандурустӣ, таҳлили вазъи соҳа, бартараф намудани мушкилот ва камудиҳои ҷойдошта ва дар ин замина беҳтар намудани сатҳ ва сифати хизматрасонии тиббӣ ба аҳолӣ боздиди роҳбарияти вазорат аз муассисаҳои тандурустии шаҳру ноҳияҳои кишвар идома дорад.
Бо ин мақсад имрӯз, 9 апрели соли равон муовини вазири тандурустӣ ва ҳифзи иҷтимоии аҳолии Ҷумҳурии Тоҷикистон Зулфия Абдусаматзода ба минтақаи Рашт сафар намуда, бо фаъолияти Беморхонаи марказии ноҳияи Сангвор шинос гардид.
Аснои шиносоӣ муовини вазири тандурустӣ ва ҳифзи иҷтимоии аҳолии мамлакат Зулфия Абдусаматзода аз фаъолияти шӯъбаҳои беморхонаи мазкур дидан намуда, ҳамзамон, бо як қатор беморон суҳбати озод анҷом дод.
Муовини вазири тандурустӣ ва ҳифзи иҷтимоии аҳолии Ҷумҳурии Тоҷикистон ҷиҳати боз ҳам беҳтар намудани сатҳ ва сифати хизматрасонии тиббӣ ба аҳолӣ ва бартараф намудани мушкилот ва камбудиҳои ҷойдошта ба роҳбарияти беморхонаи мазкур дастуру супоришҳои мушаххас дод.