Дар асоси Фармоиши вазири тандурустӣ ва ҳифзи иҷтимоии аҳолии Ҷумҳурии Тоҷикистон оид ба гузаронидани чорабиниҳои тарбиявӣ дар байни кормандони ҷавони муассисаҳои соҳаи тандурустӣ ва дар доираи амалишавии Нақша чорабиниҳои Ташкилоти ҷамъиятии “Иттиҳоди табибони ҷавон” дар назди Вазорати тандурустӣ ва ҳифзи иҷтимоии аҳолии Ҷумҳурии Тоҷикистон дар муассисаҳои тандурустии шаҳри Душанбе вохурии масъулини сохторҳои марбута бо табибони ҷавон идома дорад.
Дар доираи чунин вохуриҳо фаъолияти табибони ҷавон таҳлил ва баррасӣ карда шуда, ҳамзамон, масъулини сохторҳои марбута доир ба баланд бардоштани маърифати сиёсии ҷавонони соҳа суханронӣ менамоянд.
Бояд гуфт, ки дар ҳар як вохурӣ собиқадорони соҳа низ иштирок намуда, аз таҷрибаи кору зиндагии хеш ба табибони ҷавон маслиҳатҳои муфид пешниҳод мекунанд.