Вазири тандурустӣ ва ҳифзи иҷтимоии аҳолии Ҷумҳурии Тоҷикистон Ҷамолиддин Абдуллозода ва муовини якуми вазири тандурустӣ ва ҳифзи иҷтимоии аҳолии Ҷумҳурии Тоҷикистон Саида Умарзода бо намояндагони Дафтари СММ оид ба идоракунии лоиҳаҳо (UNOPS) суҳбати онлайнӣ анҷом доданд.
Дар суҳбат ҷонибҳо масъалаҳои пешгирӣ ва табобати беморони сирояти коронавируси нави COVID-19-ро мавриди баррасӣ қарор доданд.
Дар навбати худ намояндагони Дафтари СММ оид ба идоракунии лоиҳаҳо (UNOPS) ҷиҳати расонидани кӯмак аз қабили мавод ва таҷҳизоти тиббӣ барои пешгирии беморони сирояти коронавируси COVID-19 ба Вазорати тандурустӣ ва ҳифзи иҷтимоии аҳолии Ҷумҳурии Тоҷикистон омодагии хешро изҳор намуданд.
Бо дарназардошти зарурати фаврӣ барои андешидани чораҳои зудамал Вазорати тандурустӣ ва ҳифзи иҷтимоии аҳолии Ҷумҳурии Тоҷикистон барои ба имзо расонидани созишнома бо Дафтари СММ оид ба идоракунии лоиҳаҳо (UNOPS) дар фурсати наздиктарин омодагии худро изҳор намуд.
![](https://moh.tj/wp-content/uploads/2018/04/8678.jpg")
