Ба муассисаҳои тандурустӣ ва шӯъбаҳои дезинфексияи профилактикии шаҳру ноҳияҳои мамлакат 30 тонна гипохлориди натрийи моеъ дастрас гардид.
Имрӯз, 12 июни соли равон 30 тонна гипохлориди натрийи моеъ, ки аз ҷониби Ҷумҳурии Узбекистон ҳамчун кӯмаки башардӯстона ба Ҷумҳурии Тоҷикистон ворид гардиданд, аз ҷониби Вазорати тандурустӣ ва ҳифзи иҷтимоии аҳолии Ҷумҳурии Тоҷикистон ба як қатор муассисаҳои тандурустӣ ва шӯъбаҳои дезинфексияи профилактикии шаҳру ноҳияҳои мамлакат тақсим карда шуданд.
Маврид ба зикр аст, ки таҷҳизот ва маводҳои тиббие, ки аз ҷониби созмону ташкилотҳои байналмилалӣ ва давлатҳои алоҳида ба Ҷумҳурии Тоҷикистон ворид гардидаанд, дар анборҳои махсуси Вазорати тандурустӣ ва ҳифзи иҷтимоии аҳолии Ҷумҳурии Тоҷикистон нигаҳорӣ шуда, тибқи талабот ба муассисаҳои тандурустии мамлакат тақсим карда мешаванд.
(Акс аз манбаъҳои дастрас)