Вазорати тандурустӣ ва ҳифзи иҷтимоии аҳолии Ҷумҳурии Тоҷикистон

Бо мақсади баланд бардоштани савияи дониши амалӣ ва назариявии кормандони соҳаи тандурустии шаҳри Душанбе давоми се моҳи соли 2019 як қатор корҳои назаррас анҷом дода шуд.

Тавре аз Раёсати тандурустии шаҳри Душанбе ба moh.tj иттилоъ доданд,  дар ин давра 132 нафар табибон, аз он ҷумла 10 нафар берун аз ҷумҳурӣ, ки аз онҳо 3 нафар аз ҳисоби маблағҳои марказонидашудаи Раёсати тандурустии шаҳр пардохт карда шуданд, инчунин 123 нафар кормандони миёнаи тиб аз такмили ихтисос гузашта,  3 нафар табибон ва 53 нафар кормандони миёнаи тиб аз  бозомӯзии касбӣ гузаштанд.

Инчунин, дар 3 моҳи соли ҷорӣ мутахассисони муассисаҳои зерсохтори Раёсати шаҳри Душанбе дар 4 семинар берун аз ҷумҳурӣ иштирок карданд.

Бино ба иттилои манбаъ, дараҷанокии касбии табибон дар 59 муассисаҳои зерсохтори Раёсати тандурустии шаҳри Душанбе 93,1% ва кормандони миёнаи тиб бошад таносубан 89,6% дар муассисаҳои зерсохтори раёсатро ташкил медиҳад.

Дар Раёсати тандурустии шаҳри Душанбе  ва муассисаҳои зертобеъи он 93 нафар номзадони илмҳои тиб, 5 нафар докторони илмҳои тиб ва 1 нафар академики Академияи илмҳои тибби Вазорати тандурустӣ ва ҳифзи иҷтимоии аҳолии Ҷумҳурии Тоҷикистон фаъолият менамоянд.