Бахши стоматологӣ яке аз самтҳои муҳими соҳаи тандурустӣ ба шумор рафта, малакаи баланди мутахассисони варзидаи соҳа бо истифода аз дастгоҳҳои ҳозиразамони стоматологӣ тамоми бемороне, ки ба ин бахш, яъне хизматрасонии стоматологии муолиҷавии кӯдакон ва калонсолон, стоматологияи ҷарроҳӣ, стоматологияи ортопедӣ ва ортодонтӣ, бурдани корҳои профилактикӣ ва фаҳмондадиҳӣ муроҷиат менамоянд, тарзи ташаккули ҳаёти солимро таъмин менамоянд.
Маркази стоматологии вилоятии №1-и шаҳри Бохтар калонтарин Маркази стоматологӣ дар вилояти Хатлон ба шумор рафта, назорати хизматрасонии стоматологии шаҳру ноҳияҳои вилоятро бар уҳда дорад.
Бо мақсади баланд бардоштани дониш ва малакаи касбӣ давоми 9 моҳи соли равон 18 нафар табиб стоматолог ва 2 нафар ёрдамчии табиб стоматологи Маркази стоматологии вилоятии №1 дар шаҳри Бохтар аз курсҳои бозомӯзии такмили ихтисос гузаштанд.
![](https://moh.tj/wp-content/uploads/2018/04/8678.jpg")
