Рӯзи дуюм аст, ки дар Вазорати тандурустӣ ва ҳифзи иҷтимоии аҳолии Ҷумҳурии Тоҷикистон бо иштироки мутахассисони ӯзбек ва роҳбарону кормандони як қатор муассисаҳои тандурустии мамлакат видеоконфронси омӯзишӣ оид ба пешгирӣ ва табобати сирояти коронавируси нави COVID-19 баргузор мегардад.
Дар видеоконфрони имрӯза муовинони вазири тандурустӣ ва ҳифзи иҷтимоии аҳолии Ҷумҳурии Тоҷикистон Саида Умарзода, Шодихон Ҷамшед, мутахассисони ӯзбек, роҳбарони як қатор муассисаҳои тандурустӣ ва дигар кормандони соҳа иштирок намуданд.
Дар рафти видеоконфронс аз ҷониби мутахассисони ӯзбек ба табибони тоҷик ҷиҳати пешгирӣ ва табобати гирифторони сирояти коронавируси нави COVID-19 тавсияҳо дода шуд.
Айни замон роҳбарияти Вазорати тандурустӣ ва ҳифзи иҷтимоии аҳолии Ҷумҳурии Тоҷикистон дар ҳамкорӣ бо мутахассисони ӯзбек дар самти омӯзиши кормандони соҳаи тандурустии мамлакат бо мақсади пешгирӣ ва табобати бемории сироятии коронавируси нави COVID-19 фаъолият намуда истодаанд.
![](https://moh.tj/wp-content/uploads/2018/04/8678.jpg")
