Имрӯз, 23 июни соли равон дар Маркази тиббии зеҳнӣ воқеъ дар Муассисаи давлатии “Маркази ҷумҳуриявии иммунопрофилактика” бо иштироки олимони соҳаи тиб ва сармутахассисони соҳавии Вазорати тандурустӣ ва ҳифзи иҷтимоии аҳолии Ҷумҳурии Тоҷикистон ва мутахассисони Вазорати тандурустии кишвари Малайзия видеоконфронс доир гардид, ки дар он ҷонибҳо роҳҳои пешгирӣ ва табобати бемории коронавируси нави COVID-19 мавриди баррасӣ қарор доданд.
Ҳазамон, дар видеоконфронс ҷонибҳо атрофи дигар масъалаҳои марбут ба бемории коронавируси нави COVID-19 табодули афкор намуда, оид ба вазъи ин беморӣ дар кишварҳои хеш маълумот доданд.
Қобили зикр аст, ки бо мақсади аз ҷониби сармутахассисони соҳавии Вазорати тандурустӣ ва ҳифзи иҷтимоии аҳолии Ҷумҳурии Тоҷикистон (эҳёгарӣ ва наҷот, пулмонологҳо, сироятшиносон, рентгенологҳо, эпидемиологҳо) ба таври фаврӣ расонидани кӯмаки машваратию маслиҳатӣ ба мутахассисони беморхонаҳои вилоятӣ, шаҳру ноҳияҳо, ки оид ба ташхис ва табобати беморони гирифтори коронавируси нави COVID-19 фаъолият доранд, дар назди Вазорати тандурустӣ ва ҳифзи иҷтимоии аҳолии Ҷумҳурии Тоҷикистон Маркази тиббии зеҳнӣ ба фаъолият ба таври мустақим таъсис дода шудааст.
![](https://moh.tj/wp-content/uploads/2018/04/8678.jpg")
