20 сентябри соли равон бо иштироки 27 нафар коршиносони байналмилалӣ аз давлатҳои Аврупо ва Осиё ҷаласаи машваратии маҷозӣ оид ба таҷрибаи Ҷумҳурии Тоҷикистон вобаста ба вазъи шабакаи муассисаҳои кӯмаки аввалияи тиббию санитарӣ ва дурнамои рушди он дар давраи миёнамуҳлат баргузор гардид, ки дар он дастовардҳои назарраси Ҷумҳурии Тоҷикистон қайд гардиданд. Дар ин чорабинӣ сардори Раёсати ислоҳот, КАТС ва робитаҳои байналмилалии вазорат Илҳом Бандаев иштирок ва суханронӣ намуд.
Дар чорабинӣ махсус қайд гардид, ки кумаки аввалияи тиббию санитарӣ яке аз бахшҳои муҳими соҳаи тандурустӣ ба шумор рафта, саҳми он дар таъмини солимии аҳолӣ муҳиму назаррас мебошад.
Бояд зикр намуд, ки яке аз самтҳои аввалиндараҷаи фаъолияти Вазорати тандурустӣ ва ҳифзи иҷтимоии аҳолии Ҷумҳурии Тоҷикистон ин такмил ва рушди кумаки аввалияи тиббию санитарии ба тибби оилавӣ асоснокшуда ба шумор меравад.
![](https://moh.tj/wp-content/uploads/2018/04/8678.jpg")
