Бо иштироки мутахассисони соҳаи тандурустии 14 кишвар, аз ҷумла Россия, Ҷумҳурии Мардумии Чин, Қирғизистон, Қазоқистон, Ӯзбекистон, Тоҷикистон ва ғайра оид ба роҳҳои пешгирӣ ва табобати сирояти коронавируси нави COVID-19 видеоконфронс баргузор гардид, ки дар он Вазири тандурустӣ ва ҳифзи иҷтимоии аҳолии Ҷумҳурии Тоҷикистон Ҷамолиддин Абдуллозода иштирок намуд.
Дар видеоконфронс мутахассисон роҳҳои табобати гирифторони коронавируси нави COVID-19-ро мавриди баррасӣ қарор дода, ҳамзамон, вобаста ба усулҳои нави табобати беморони мазкур табодули афкор намуданд.
Қайд гардид, ки баргузории чунин видеоконфронсҳо метавонанд ҷиҳати табодули таҷрибаи мутахассисони кишварҳои гуногун мусоидат намуда, дар табобат ва пешгирии бемории коронавируси нави COVID-19 саҳми назаррас гузоранд.
Иштирокчиён тасмим гирифтанд, ки минбаъд низ чунин видеоконфронсҳоро баргузор намоянд.
![](https://moh.tj/wp-content/uploads/2018/04/8678.jpg")
