Имрӯзҳо бо мақсади пешгирӣ аз паҳншавии бемории сироятии COVID-19 ва табобати он дар баробари мақомоти давлатӣ, ҳамчунин бахши хусусӣ низ нақши муассир мегузоранд.
Тавре аз Мақомоти иҷроияи ҳокимияти давлатии ВМКБ ба moh.tj иттилоъ доданд, аз ҷониби ҷамъияти масъулияташ маҳдуди “Хрустал” ба муассисаҳои тандурустии ВМКБ либосҳои бисёркаратаи муҳофизатӣ, ниқобу маҳлулҳои зиддисептикӣ ва доруворӣ дастрас карда шуд.
Раиси Вилояти Мухтори Кӯҳистони Бадахшон Ёдгор Файзов зимни қабули кӯмаки навбатӣ миннатдории хешро ба ҷамъияти масъулияташ маҳдуди “Хрустал” баён намуда, аз ҷумла иброз дошт, ки маҳз муборизаи муштараки мақомоти давлатӣ, бахши хусусӣ ва шарикони рушд буд, ки кишвари мо тавонист аз паҳншавии густурдаи ин беморӣ пешгирӣ намояд ва вазиятро ба эътидол оварад.
Бояд гуфт, ки маводҳои зикршуда дар анборхонаи Раёсати тандурустии вилоят нигаҳдорӣ шуда, тибқи талабот ба муассисаҳои табобатӣ дастрас карда мешаванд.