Имрӯз, 2-юми октябри соли равон дар Вазорати тандурустӣ ва ҳифзи иҷтимоии аҳолии Ҷумҳурии Тоҷикистон муовини вазири тандурустӣ ва ҳифзи иҷтимоии аҳолии мамлакат Шодихон Ҷамшед бо намояндагони ширкати ”Моторика”- и шаҳри Москваи Федератсияи Россия оид ба муаррифии маҳсулот, кор ва хизматрасонии ширкати мазкур вохурӣ намуд.
Нахуст Шодихон Ҷамшед доир ба вазъи соҳаи ҳифзи иҷтимоии аҳолӣ дар мамлакат ба меҳмонон маълумоти мухтасар пешниҳод кард.
Дар навбати худ намояндагони ширкати ”Моторика” оид ба тайёр намудани маводҳои ортопедию протезӣ, таъминоти маъюбон бо намунаҳои нави технологӣ, аз ҷумла протезҳои дастҳои намуди бионикӣ ва дар ин самт ба роҳ мондани ҳамкориҳо бо вазорат андашаҳои худро иброз доштанд.
Дар идомаи мулоқот ҷонибҳо доир ба омода намудани мутахассисон дар самти тавонбахшӣ, ҳамкориҳо дар самти тайёр намудани маводҳои ортопедию протезӣ барои маъюбон ва дигар масъалаҳо мубодилаи афкор намуда, ҳавасмандии хешро ҷиҳати боз ҳам тақвият бахшидани ҳамкориҳо иброз намуданд.
Ёдрас мешавем, ки санаи 1-уми октябри соли ҷорӣ дар Корхонаи давлатии “Заводи протезию ортопедӣ”-и шаҳри Душанбе бо иштироки намояндагони ширкати мазкур нахустин бор дар кишвар дар ду кӯдаки то синни 10 сола дастҳои намунаи нави бионикӣ гузошта шуд.
![](https://moh.tj/wp-content/uploads/2018/04/8678.jpg")
