Июн 21
14:29
2019
Вазири тандурустӣ ва ҳифзи иҷтимоии аҳолии Ҷумҳурии Тоҷикистон Насим Олимзода бо ёвари махсуси Сарвазири Покистон оид ба ҳифзи иҷтимоӣ ва коҳиши сатҳи камбизоатӣ хонум Сония Ништар мулоқот намуд.
Дар вохурӣ муовини вазир Азиз Одиназода, ёрдамчии вазир Дилором Содиқова иштирок намуда, ҳайати меҳмононро инчунин сафири Покистон дар Ҷумҳурии Тоҷикистон Имран Ҳайдар, муовини сафир Шаҳид Сиҳар ва директори департаменти СММ Ҳаши Ҳашии намояндагӣ намуданд.
Дар мулоқот ҳамкориҳои ду кишвар дар соҳаи тандурустӣ мавриди баррасӣ қарор гирифта, ҷиҳати боз ҳам тақвияти ҳамкориҳо дар ин самт ҷонибҳо ҳавасмандии амиқи худро иброз намуданд.