Имрӯз 14 октябри соли равон дар Китобхонаи миллии Тоҷикистон вобаста ба таҳлили масъалаи таъсис додани Шурои ҷамъиятӣ оид ба ҳуқуқҳои маъюбон дар Маҷлиси намояндагони Маҷлиси Олии Ҷумҳурии Тоҷикистон ва таъсис додани мушовир оид ба масъалаҳои маъюбон дар мақомоти иҷроияи маҳаллии ҳокимияти давлатӣ ҷамъомади намояндагони мақомоти дахлдор ба соҳа ва ташкилотҳои маъюбӣ баргузор гардид.
Дар кори ҷамъомад Қудратулло Қурбонов, сардори Раёсади ҳифзи иҷтимоии Вазорати тандурустӣ ва ҳифзи иҷтимоии аҳолии Ҷумҳурии Тоҷикистон, доираи васеъи роҳбарият ва намояндагони ташкилотҳои маъюбӣ дар Ҷумҳурии Тоҷикистон иштирок намуданд.
Дар чорабинӣ масъалаҳои манфиат ва зарурати таъсис додани Шурои ҷамъиятӣ оид ба ҳуқуқҳои маъюбон дар Маҷлиси намояндагони Маҷлиси Олии Ҷумҳурии Тоҷикистон ва таъсис додани мушовир оид ба масъалаҳои маъюбон дар мақомоти иҷроияи маҳаллии ҳокимияти давлатӣ мавриди таҳлилу баррасии амиқ қарор гирифта, вобаста ба натиҷаи таҳлилҳо перомуни таъсиси Шурои болозикр гуфтушунид сурат гирифт.
![](https://moh.tj/wp-content/uploads/2018/04/8678.jpg")
