Дар Муассисаи давлатии таълимии “Донишкадаи таҳсилоти баъдидипломии кормандони соҳаи тандурустии Ҷумҳурии Тоҷикистон” ва шуъбаҳои он дар 6 моҳи соли 2020 1460 нафар шунавандагон (709 нафар табибон ва 751 нафар кормандони миёнаи тиббӣ) таҳсил намуданд.
Дар давраи ҳисоботӣ аз тарафи кафедра ва курсҳои донишкада, шуъбаҳои он дар шаҳри Хуҷанди вилояти Суғд ва шаҳри Бохтари вилояти Хатлон 28 корҳои илмӣ – нашриётӣ, аз он ҷумла 14 адад мақолаҳои илмӣ дар маҷаллаҳои ҷумҳуриявӣ, 14 тезисҳо дар маҷмӯи мақолаҳои ҷумҳуриявӣ ба нашр расидаанд, инчунин 2 пешниҳоди беҳсозӣ ва 3 патенти Ҷумҳурии Тоҷикистон ба қайд гирифта шудаанд.
Дар нимсолаи аввали соли 2020 аз муассисаҳои илмию таълимии вазорат дар маҷмӯъ 3732 нафар кормандони тиббии ҷумҳурӣ ба таҳсили баъдидипломӣ фаро гирифта шуданд.
(АКС аз бойгонӣ)
![](https://moh.tj/wp-content/uploads/2018/04/8678.jpg")
