Дар Агентии давлатии ҳифзи иҷтимоии аҳолии назди Вазорати тандурустӣ ва ҳифзи иҷтимоии аҳолии Ҷумҳурии Тоҷикистон барои беш аз 69 нафар мутахассисону коргузорон оид ба кумакҳои унвонии иҷтимоӣ курси омўзишӣ гузаронида шуд.
Курси омўзишӣ бо дастгирии бевоситаи Абдулҳаким Холзода, директори Агентӣ- роҳбари Лоиҳаи таҳкими низоми ҳифзи иҷтимоии назди Агентии давлатии ҳифзи иҷтимоии аҳолии назди Вазорати тандурустӣ ва ҳифзи иҷтимоии аҳолии Ҷумҳурии Тоҷикистон дар доираи маблағҳои лоиҳаи номбурда дар бинои Агентии давлатии ҳифзи иҷтимоии аҳолӣ доир гардид.
Тазаккур бояд дод, ки пеш аз доир кардани курси омўзишии номбурда, бо мақсади муайян намудани сатҳи дониш ва малакаи кор бо Барномаи кўмакҳои унвонии иҷтимоӣ – (АСИСТ), донистани санадҳои меъёрии ҳуқуқии ба самти фаъолияташон вобаста, тақвият бахшидан ба фаъолияти корӣ, такмил додани дониши мутахассисону коргузорон оид ба кўмакҳои унвонии иҷтимоӣ дар ҳама шаҳру ноҳияҳо баҳогузорӣ карда шуда буд. Баҳогузорӣ муайян намуд, ки аксари мутахассисон санадҳои меъёрии ҳуқуқии ба фаъолияташон вобастаро нағз намедонанд. Аз ин рў, тасмим гирифта шуд, ки курсҳои омузишӣ оид ба системаи иттилоотии кумакҳои унвонии иҷтимоӣ (АСИСТ) ба мутахассисону коргузорон гузаронида шавад.
Имрўз, 15 ноябри соли ҷорӣ дар интиҳои курси омўзишӣ ба иштирокчиён гувоҳнома (сертификат) тақдим гардида, ҷиҳати аз байн бурдани камбудиҳои ҷойдошта ва беҳтару хубтар ба роҳ мондани фаъолият дар самти амалӣ намудани Қонуни Ҷумҳурии Тоҷикистон “Дар бораи кумакҳои унвонии иҷтимоӣ” ва “Барномаи давлатии расонидани кумакҳои унвонии иҷтимоӣ ба оилаҳо ва шаҳрвандони камбизоат барои солҳои 2018-2020” дастуру супоришҳои қатъӣ дода шуд.