Ҷиҳати шиносоӣ пайдо намудан бо фаъолияти муассисаҳои тандурустӣ имрӯз, 2 марти соли равон муовини якуми вазири тандурустӣ ва ҳифзи иҷтимоии аҳолии Ҷумҳурии Тоҷикистон Ғафур Муҳсинзода ба шаҳри Бохтар ташриф оварда, бо фаъолияти як қатор муассисаҳои шаҳрӣ ва вилоятӣ, ки дар ҳудуди шаҳри мазкур фаъолият менамоянд, шинос шуд.
Аз ҷумла номбурда бо фаъолияти Маркази вилоятии бемориҳои чашми шаҳри Бохтар ва Маркази эндокринологияи вилояти Хатлон шинос шудаву бо масъулини соҳаи тандурустии шаҳри мазкур масъалаҳои беҳтар намудани сатҳ ва сифати хизматрасонии тиббӣ, вусъати маъракаи ваксинатсия бар зидди сирояти коронавирус ва дигар масъалаҳоро таҳлил ва баррасӣ намуда, баҳри рафъи мушкилот ва камбудиҳои ҷойдошта ба масъулин дастуру супоришҳои мушаххас дод.