22 июни соли равон дар кӯчаҳои Н.Қарабоев-10 ва Мушфиқӣ 85-и ноҳияи Фирдавсии шаҳри Душанбе маросими ифтитоҳи майдончаи варзишӣ, бозии кӯдакон ва истироҳати калонсолон баргузор гардид.
Дар маросими ифтитоҳи расмии майдончаи варзишӣ, бозии кӯдакон ва истироҳати калонсолон дар мавзеи зикргардида Вазири тандурустӣ ва ҳифзи иҷтимоии аҳолии Ҷумҳурии Тоҷикистон Насим Олимзода, муовини раиси шаҳри Душанбе Олим Раҳимзода, раиси ноҳияи Фирдавсӣ Юсуфӣ Муҳаммадраҳим, сардори Муассисаи давлатии “Раёсати кор бо мактабҳо ва иншоотии варзишӣ”-и мақомоти иҷроияи ҳокимияти давлатии шаҳри Душанбе Раҳматулло Камолов, инчунин роҳбарону кормандони дастгоҳи марказии вазорат, хадамотҳо, муассисаҳои тандурустию ҳифзи иҷтимоӣ, фаъолону шаҳрвандон, аҳли ҷамоатчигӣ ва истиқоматкунандагони мавзеи иншооти сохташуда иштирок намуда, аз куллан дигаргун гардидан ва ободу зебо гаштани мавзеи ҷойгиршудаи майдончаи варзишӣ, бозии кӯдакон ва истироҳати калонсолон ва масоҳати гирду атрофи он фикру ақидаҳои худро изҳор доштанд.
Аз ҷониби иштирокчиён қайд карда шуд, ки бунёди чунин иншоотҳо ва баргузории корҳои ободониву созандагӣ маҳз бо ташаббуси бевоситаи Асосгузори сулҳу ваҳдати миллӣ, Пешвои миллат, Президенти Ҷумҳуриии Тоҷикистон мӯҳтарам Эмомалӣ Раҳмон имконпазир гардида, аз ҷониби роҳбарияти мақомоти иҷроияи ҳокимияти давлатии шаҳри Душанбе аз оғоз то ба интиҳои корҳои сохтмонии майдончаи мазкур дастгирии амалӣ ёфта, барои наврасони ин маҳалла мавзеи хуби фароғатию бозӣ омода гардид.
Корҳои сохтмонии майдончаи варзишӣ, бозии кӯдакон ва истироҳати калонсолон дар иншооти мазкур 576 ҳазору 317 сомониро дарбар гирифта, аз ҷониби пудрачии иншоот корҳои сохтмонӣ пурра ба анҷом расонида шудааст.