Дар саросари мамлакат ба фаъолияти муқаррарии корӣ баргардонидани қисме аз муассисаҳои тандурустӣ, ки як муддати муайян дар онҳо беморони каронавируси нави КОВИД-19 табобат мегирифтанд, идома дорад.
Аз ҷумла дирӯз, 3 июни соли равон Беморхонаи марказии ноҳияи Файзобод пас аз шифо ёфтан ва рухсат шудани шаҳрвандон дезинфексия карда шуда, барои ба фаъолияти муқаррарии корӣ омода мебошад.
Ҳамзамон, зикр намудан ба маврид аст, ки чанде қабл Муассисаи давлатии “Маркази ҷумҳуриявии клиникии бемориҳои дил” ва Маркази бемориҳои урологӣ, воқеъ дар Муассисаи давлатии “Маркази миллии тиббии Тоҷикистон “Шифобахш” ва бахши таваллудхонаи Муассисаи давлатии Маҷмааи тандурустии “Истиқлол”, ки як муддати муайян ба муоинаву муолиҷаи гирифторони бемории каронавируси нави КОВИД-19 машғул буданд, ба фаъолияти муқаррарии корӣ баргардонида шуданд.
Ба иқрори мутахассисони соҳа, давоми рўзҳои охир дар аксар минтақаҳои мамлакат, бахусус дар пойтахти кишвар шаҳри Душанбе ҳолатҳои сироятёбии сокинон ба бемории КОВИД -19 то андозае поён рафта, ҳамзамон, муроҷиати шаҳрвандони мамлакат низ ба муассисаҳои тиббии кишвар бо нишонаҳои сироятёбӣ ба ин беморӣ кам шудааст.
Бояд қайд намуд, ки рӯзҳои 28 ва 30-юми майи соли равон ду муассисаи тандурустии шаҳри Ваҳдат, ки дар онҳо низ як муддати муайян беморони каронавируси нави КОВИД-19 ба муоинаву табобат фаро гирифта шуда буданд, пас аз шифо ёфтан ва пурра ба хонаҳош
Мутахассисони соҳа бар он назаранд, ки дар Ҷумҳурии Тоҷикистон давраи авҷи сироятёбии сокинон ба бемории кираонавируси нави КОВИД-19 паси сар шудааст.
![](https://moh.tj/wp-content/uploads/2018/04/8678.jpg")
