Бо мақсади шиносоӣ пайдо намудан бо фаъолияти муассисаҳои тандурустӣ ва бартараф намудани камбудиҳову мушкилоти мавҷуда муовинони вазири тандурустӣ ва ҳифзи иҷтимоии аҳолии Ҷумҳурии Тоҷикистон Муҳсин Ғафурзода ва Самариддин Ализода аз як қатор муассисаҳои тандурустии вилояти Суғд дидан намуданд.
Аз ҷумла муовини якуми вазири тандурустӣ ва ҳифзи иҷтимоии аҳолии мамлакат Ғафур Муҳсинзода аз Беморхонаи марказӣ ва Маркази назоратии давлатии санитарию эпидемиологии ноҳияи Зафаробод ва муовини вазир Самариддин Ализода аз як қатор муассисаҳои тандурустии шаҳри Хуҷанд боздид ба амал оварда, бо фаъолияти онҳо шинос шуданд.
Аснои боздид аз муассисаҳои тандурустӣ муовинони вазири тандурустӣ ва ҳифзи иҷтимоии аҳолии мамлакат бо масъулин баланд бардоштани хизматрасонии тиббӣ, муолиҷа ва назорати беморон ва дигар масъалаҳоро мавриди баррасӣ қарор доданд.
Қайд намудан ба маврид аст, ки ҳадаф аз сафарҳои масъулони вазорат аз наздик ошно шудан бо фаъолияти табибон ва ҷараёни табобати беморони гирифтори сирояти коронавирус дар муассисаҳои тандурустӣ, саривақт фаро гирифтани онҳо ба табобати хонагӣ, таъмини беморон бо доруворӣ ва бемористонҳо бо таҷҳизоти тиббӣ, таъмини табибон бо либосҳои муҳофизатӣ, ошкор намудани камбудиҳои муассисаҳо, мушкилоти табибон ва саривақт ба онҳо расидагӣ кардан мебошанд.
![](https://moh.tj/wp-content/uploads/2018/04/8678.jpg")
