Тибқи нақша-чорабиниҳои шӯъбаи кор бо ҷавонони Донишгоҳи давлатии тиббии Тоҷикистон ба номи Абӯалӣ ибни Сино вохӯрии раёсати Шӯъбаи кор бо ҷавонон донишгоҳ бо сардорону фаъолони курси якуми факултети тиббӣ дар мавзӯъҳои “Роҳҳои пешгирӣ аз бемории коронавируси нави СOVID-19”, “Риояи гигиенаи шахсию ҷаъмиятӣ” ва даъват ба аъзошавӣ дар дастаи волонтиёрони назди шӯъбаи мазкур баргузор гардид.
Ҳамчунин, дар вохурӣ оид ба масъалаҳои пешгирии ҷавонон аз омилҳои номатлуб, пешгирии гаравиши ҷавонон ба ҳизбу ҳаракатҳои иртиҷоӣ, даст назадани ин қишри ҷомеа ба ҷинояту ҷинояткорӣ, истифода накардани шабакаҳои иҷтимоии хусусияти ифротӣ ва террористию экстремистӣ дошта, масъалаҳои риояи низому қоидаҳои дохили донишгоҳ ва доир ба дигар масъалаҳои мубрам суҳбат карда шуд.
Бояд гуфт, ки чунин вохуриҳо бо мақсади баланд бардоштани маърифати сиёсии ҷавонон пайваста дар шӯъба ва факултаҳои донишгоҳ гузаронида мешаванд.
![](https://moh.tj/wp-content/uploads/2018/04/8678.jpg")
