Бо мақсади беҳтар намудани сатҳ ва сифати хизматрасонии босифати тиббӣ ба аҳолӣ азнавсозӣ, бунёд ва таъмиру тармими муассисаҳои тандурустӣ дар тамоми гӯшаву канори мамлакат бомаром идома доранд.
Бахшида ба Рӯзи Парчами давлатии Ҷумҳурии Тоҷикистон дар шаҳраки Тоҷикободи ноҳияи Тоҷикобод як Маркази саломатии хуштарҳу замонавӣ ва муҷаҳҳаз бо таҷҳизоти муосири тиббӣ дари худро ба шаҳрвандон боз намуд.
Аснои ба истифода додани маркази саломатии мазкур намояндагони Вазорати тандурустӣ ва ҳифзи иҷтимоии аҳолии Ҷумҳурии Тоҷикистон, Мақомоти иҷроияи ҳокимияти давлатии ноҳияи Тоҷикобод иштирок намуда, бунёд ва мавриди баҳрабардорӣ қарор гирифтани чунин муассисаи тандурустиро идомаи дастгириҳои пайвастаи Пешвои муаззами миллат муҳтарам Эмомалӣ Раҳмон дар самти беҳтар намудани хизматрасонии босифати тиббӣ ба аҳолӣ арзёбӣ намуданд.
Тавре иттилоъ дода шуд, маркази саломатии мазкур аз шӯъбаҳои қабули беморон, хатна, табиби оилавӣ, стоматология, ташхисгоҳ ва ғайра иборат мебошад, ки минбаъд ба аҳолии наздики 49 ҳазор нафараи шаҳраки Тоҷикободи ноҳияи Тоҷикобод хизматрасонии баландсифати тиббиро таъмин хоҳад намуд.
![](https://moh.tj/wp-content/uploads/2018/04/8678.jpg")
