Муассисаи давлатии “Маркази миллии тиббии Тоҷикистон “Шифобахш” яке аз сармуассисаҳои калонтарини соҳавии Вазорати тандурустӣ ва ҳифзи иҷтимоии аҳолии кишвар ба шумор рафта, асоси фаъолияти онро табобат, пешгирии бемориҳои гуногун ва барқарорсозии организми беморон баъди беморӣ ташкил намуда, инчунин он муассисаи базавии таълимӣ барои Донишгоҳи давлатии тиббии Тоҷикистон ба номи Абӯалӣ ибни Сино ва Донишгоҳи миллии Тоҷикистон хизмат менамояд.
Қобили зикр аст, ки дар Муассисаи давлатии “Маркази миллии тиббии Тоҷикистон “Шифобахш” сол то сол сафи олимону пизишкон афзуда истодааст. Айни замон дар муассисаи мазкур 2 нафар доктори илмҳои тиб ва 30 нафар номзадҳои илми тиб фаъолият намуда истодаанд ва ҳамчунин беш аз 61 нафар кормандони муассиса омодаи ҳимояи номзадии хеш мебошанд. Бояд гуфт, ки аз 653 нафар табибони дорои маълумоти касбии олӣ 248 нафар ё 38%-ро ҷавонон ташкил менамоянд.
Муассисаи мазкур дорои 8 бинои сеошёна, як бинои дуошёна, 4 бинои якошёна, қисми хоҷагидорӣ ва 61 шуъбаҳои гуногун мебошад, ки аз онҳо 35 адад шуъбаҳои табобатӣ ва 26 адад шуъбаҳои ёрирасонанд.
![](https://moh.tj/wp-content/uploads/2018/04/8678.jpg")
