Бо мақсади афзун намудани шумораи табибони оилавӣ ва ҷиҳати дар амал тадбиқ намудани Қарори Ҳукумати Ҷумҳурии Тоҷикистон аз 27 июли соли 2016 «Дар бораи нақшаи стратегии рушди кӯмаки аввалияи тиббию санитарӣ аз рӯи принсипи тибби оилавӣ дар вилояти Хатлон барои солҳои 2016-2020» 62 нафар табибон, муттахассисони миёнаи тиббӣ дар вилояти Хатлон ба курсҳои бозомӯзии шашмоҳаи тибби оилавӣ фаро гирифта шуданд.
Курсҳои омузишӣ дар доираи ҳамкориҳо бо Лоиҳаи “Беҳтарсозии ғизодиҳӣ дар ноҳияҳои таъминнотнокии ғизояш дар сатҳи ноустувор қарордоштаи вилояти Хатлон” роҳандозӣ гардидааст.
Гуфта мешавад аз 64 нафар мутахассисони соҳаи тибби ба курсҳои омӯзишӣ ҷалбгардида 16 нафарашро табиб ва 46 нафари дигарро кормандони миёнаи тиб ташкил менамояд.
Мутахассисони ба курсҳои бозомузӣ ҷалбгардида аз шаҳру навоҳии Норак, Кӯлоб, Қурғонтеппа, Панҷу Фархор, Восеъ, Ш.Шоҳин, Балҷувон, Темурмалик, Ховалинг буда, зимни бозомузӣ мутахассисон бо хобгоҳ, толорҳои дарсгузаронӣ, борхалтаҳои тибби оилавӣ барои кӯмаки тиббӣ таъмин гаштаанд.
![](https://moh.tj/wp-content/uploads/2018/04/8678.jpg")
