Бо мақсади беҳтар намудани сифати хизматрасонии тиббӣ ба модарон ва кӯдакон дар сатҳи таваллудхонаҳо ва шӯъбаҳои таваллудии ҷумҳурӣ тавассути расонидани кумаки машваратӣ ва мониторинги сифати хизматрасонӣ дар доираи Барномаи давлатии рушди соҳаи тандурустии вилояти Хатлон дар асоси фармоиши вазири тандурустӣ ва ҳифзи иҷтимоии аҳолии Ҷумҳурии Тоҷикистон аз 4 октябри соли равон гурӯҳҳои машваратӣ аз ҳисоби мутахассисони соҳибтаҷрибаи муассисаҳои таваллудии сатҳи сеюм ва мониторингӣ аз ҳисоби кормандони Вазорати тандурустӣ ва ҳифзи иҷтимоии аҳолии Ҷумҳурии Тоҷикистон таъсис дода шуданд.
Дар асоси фармоиши мазкур масъулин вазифадор карда шуданд, ки назорати гузаронидани машваратҳо ва мониторинги фаъолияти гурӯҳҳоро дар муассисаҳои таваллудӣ таъмин намоянд.
Инчунин, вобаста ба натиҷаҳои мониторинги фаъолияти муассисаҳои таваллудӣ мунтазам маълумоти муфассалро ба вазорат пешниҳод кунанд.
Ба сардорони раёсатҳои тандурустии шаҳри Душанбе, ВМКБ, Хатлон, Суғд ва сартабибони беморхонаҳои марказӣ супориш дода шуд, ки барои фаъолияти гурӯҳҳои машваратӣ ва мониторингӣ мусоидат намоянд.
![](https://moh.tj/wp-content/uploads/2018/04/8678.jpg")
