Бо мақсади шиносоии бештар пайдо кардан аз таърихи халқи тоҷик, баланд бардоштани ҳисси худшиносии миллӣ ва дар рӯҳияи ватандӯстиву хештаншиносӣ тарбия намудани ҷавонон байни донишҷӯёни бахши якуми кафедраи фанҳои гуманитарии Муассисаи давлатии таълимии «Коллеҷи тиббии шаҳри Кӯлоб ба номи Раҳмонзода Раҳматулло Азиз» озмуни “Беҳтарин хонандаи китоби “Тоҷикон”-и Бобоҷон Ғафуров” баргузор гардид.
Дар озмуни мазкур аз ҷониби устодон вобаста ба мазмуну муҳтаво ва паҳлуҳои гуногуни китоби “Тоҷикон”-и Б. Ғафуров ба донишҷӯён саволҳо пешниҳод гардид. Дар навбати худ донишҷӯён бо завқ ва баҳсу музокира ба саволҳои омӯзгорон посух доданд. Ҳамин тавр, дар озмун ба иштирокчиён зиёда аз 100 савол пешниҳод карда шуд.
Дар анҷом шаш нафар донишҷӯён, ки ба бештари саволҳои пешниҳодшуда посухҳои дуруст ва пурра гардониданд, ғолиби озмун шуморида шуда, бо ифтихорномаи роҳбарияти муассиса қадрдонӣ шуданд.
![](https://moh.tj/wp-content/uploads/2018/04/8678.jpg")
