Ҷиҳати иҷрои дастуру супоришҳои Асосгузори сулҳу ваҳдати миллӣ, Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон дар самти зина ба зина аз сатҳи поёнӣ тарбия, интихоб ва ҷобаҷогузории кадрҳои роҳбарикунанда аз ҳисоби шахсони лаёқатманду бомаърифат, аз ҷумла занону духтарон дар доираи моҳвораи ҷавонон бо ибтикори Кумитаи кор бо ҷавонон ва варзиши назди Ҳукумати Ҷумҳурии Тоҷикистон аз 23 то 27 майи соли равон “Аввалин мактаби сайёри ҷавондухтарони роҳбар” ташкил ва баргузор карда шуд.
Бояд гуфт, ки шунавандагони мактаби мазкур аз ҳисоби ҷавондухтарону бонувони ҷавони фаъоли вазорату идора, кумита ва муассисаву ташкилотҳо тариқи озмун ба ин чорабинӣ ҷалб гардиданд.
Дар ин чорабинӣ ду нафар ҷавондухтари фаъоли вазорат-Тутинисо Раҳимзода ва Дилфуза Бегматова иштирок намуданд.
Дар раванди баргузории чорабинии мазкур ҷавондухтарон имконият пайдо карданд, ки ба як қатор вазорату идора, кумита ва дигар сохторҳои давлатии мамлакат ташриф оварда, бо фаъолияти бонувоне, ки дар самти роҳбарӣ адои вазифа менамоянд, аз наздик шинос шаванд.