Аз 11 то 18 декабри соли равон бо мақсади ба роҳ мондани ҳамкориҳои минбаъда, табодули таҷриба ва чорабиниҳои якҷоя оид ба пешгирии бемориҳои ба ғизо алоқаманд як гурӯҳ мутахассисони Муассисаи давлатии “Маркази ҷумҳуриявии ғизо”-и Вазорати тандурустӣ ва ҳифзи иҷтимоии аҳолии Ҷумҳурии Тоҷикистон дар шаҳри Алмаатои Ҷумҳурии Қазоқистон қарор дорад.
Маврид ба зикр аст, ки муҳимияти масъалаи ташкили ғизои аҳолӣ ва пешгирии бемориҳои ба ғизо алоқамандро ба инобат гирифта, равобити байналмилалӣ, гузаронидани корҳои илмию таҷрибавӣ аз ҷониби мутахассисони Вазорати тандурустӣ ва ҳифзи иҷтимоии аҳолии мамлакат пурзӯр гардида истодааст.
Дар доираи сафари корӣ байни Муассисаи давлатии “Маркази ҷумҳуриявии ғизо” ва Академияи ғизои Ҷумҳурии Қазоқистон созишномаи ҳамкорӣ ба имзо расонида шуд. Инчунин мутахассисони Тоҷикистон дар доираи сафари корӣ оид ба масъалаҳои муҳими ғизо ба курсҳои кутоҳмуддат фаро гирифта хоҳанд шуд.
![](https://moh.tj/wp-content/uploads/2018/04/8678.jpg")
