Санаи 04 октябри соли равон бо иштироки Насим Олимзода, вазири тандурустӣ ва ҳифзи иҷтимоии аҳолии Ҷумҳурии Тоҷикистон, ҳайати роҳбарияти Вазорати тандурустӣ ва ҳифзи иҷтимоии аҳолии Ҷумҳурии Тоҷикистон ва сармутахассисони соҳавии ин ниҳод ҷамъомад баргузор гардид.
Мақсад аз баргузор гардидани чорабинии мазкур беҳтар ба роҳ мондани ёрии машваратию шифоӣ ва нерӯманд кардани иқтидори зеҳнӣ дар соҳаи тандурустӣ, баланд бардоштани сифати хизматрасонии тиббӣ ба аҳолии ҷумҳурӣ ва саривақт ворид намудани дастовардҳои илмию техникии соҳаи тиб дар амалия маънидод мегардад.
Дар ҷамъомад Насим Олимзода доир ба пешбурди соҳаи тиб, боз ҳам беҳтару хубтар ба роҳ мондани хизматрасонии тиббӣ дар муассисаҳои тандурустӣ ба сармутахассисони соҳавии Вазорати тандурустӣ ва ҳифзи иҷтимоии аҳолии Ҷумҳурии Тоҷикистон дастуру супоришҳои мушаххас дода, ҳамзамон масоили роҳу усуслҳои ворид намудани дастовардҳои илмию техникии соҳаи тиб ба ҷумҳурӣ мавриди баррасӣ қарор гирифт.
![](https://moh.tj/wp-content/uploads/2018/04/8678.jpg")
