Вазири тандурустӣ ва ҳифзи иҷтимоии аҳолии Ҷумҳурии Тоҷикистон Ҷамолиддин Абдуллозода ҳайати Маркази минтақавии Бонки Исломии Рушд, ки ҷиҳати муҳокимаи лоиҳаҳои амалкунанда ва муайянсозии дурнамои ҳамкориҳои минбаъдаи дуҷониба ба Тоҷикистон ташриф овардаанд, ба ҳузур пазируфт.
Нахуст Ҷамолиддин Абдуллозода, вазири тандурустӣ ва ҳифзи иҷтимоии аҳолии Ҷумҳурии Тоҷикистон ҳайати Маркази минтақавии Бонки Исломии Рушдро ба Тоҷикистон хайрамақдам намуда, аз ҳамкориҳои мутақобилан судманди кишвар бо ин бонки бонуфӯз дар соҳаҳои гуногун, хосатан дар соҳаи тандурустӣ ёдовар шуда, ҳамкориҳои дуҷонибаро хуб арзёбӣ намуд.
Дар идомаи мулоқот ҷонибҳо доир ба вазъи кунунии ҳамкориҳо ва тақвияти онҳо мубодилаи афкор намуда, ҳавасмандии хешро ҷиҳати боз ҳам густариши ҳамкориҳо иброз намуданд.
![](https://moh.tj/wp-content/uploads/2018/04/8678.jpg")
