Имрӯз, 4 майи соли равон вазири тандурустӣ ва ҳифзи иҷтимоии аҳолии Ҷумҳурии Тоҷикистон Ҷамолиддин Абдуллозода миссияи навбатии Бонки ҷаҳониро ба ҳузур пазируфт.
Гуфта шуд, ки Бонки ҷаҳонӣ шарики боэътимоди стратегии Ҷумҳурии Тоҷикистон ба шумор рафта, бо дастгирии бонки мазкур дар кишвар як қатор лоиҳаҳо дар соҳаи тандурустӣ ва ҳифзи иҷтимоии аҳолӣ татбиқ шуда истодаанд.
Роҳбари дафтари намояндагии Бонки ҷаҳонӣ дар Тоҷикистон дар навбати худ аз ҳамкорӣ бо Вазорати тандурустӣ ва ҳифзи иҷтимоии аҳолии Ҷумҳурии Тоҷикистон изҳори қаноатмандӣ намуда, ҳавасмандии хешро ҷиҳати густариши ҳамкориҳои мутақобилан судманди дуҷониба иброз намуд.
Дар идомаи мулоқот вазъи кунунӣ ва дурнамои ҳамкориҳои вазорат бо Бонки мазкур мавриди таҳлил ва баррасӣ қарор дода шуданд.
![](https://moh.tj/wp-content/uploads/2018/04/8678.jpg")
