Тоҷикон қадимтарин сокинони ориёитабори Осиёи Миёна ба шумор рафта, дар таърих ва тамаддуни умумибашарӣ нақши арзанда гузоштаанд. Дар тӯли таърихи ҳазорсолаҳо миллати бостонии тоҷик тавонист фарҳанги пурғановати хешро эъмин нигоҳ дошта, онро ба наслҳои оянда ба мерос гузорад.
Ба истиқболи ҷашни аҷдодии тоҷикон – ҷашни Меҳргон дар кафедраи фанҳои ҷомеашиносии Донишгоҳи давлатии тиббии Тоҷикистон ба номи Абӯалӣ ибни Сино дар якҷоягӣ бо шӯъбаи тарбияи донишгоҳи мазкур чорабинии маърифатию тарбиявӣ баргузор гардид.
Дар чорабинӣ омӯзгорони кафедраи номбурда, номзади илмҳои таърих, дотсент Муродов С.С ва муаллимаи кафедра Сафарова М.Ҷ бо маърӯзаҳои пурмуҳтаво баромад намуданд. Ҳамзамон, донишҷӯёни курси якуми факултети тиббӣ дар васфи ин ҷашни аҷдодӣ шеърҳо қироат карда, дар атрофи таърихи ин ҷашнӣ бостонӣ маърӯзаҳо намуданд.
![](https://moh.tj/wp-content/uploads/2018/04/8678.jpg")
