Сиёсати иҷтимоӣ яке аз самтҳои афзалиятноки фаъолияти Ҳукумати Ҷумҳурии Тоҷикистон буда, ба ғамхорӣ фаро гирифтани қишри ниёзманди аҳолӣ, бахусус маъюбону ниёзмандон зери таваҷҷуҳи пайвастаи Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон қарор додад.
Дар партави дастуру ҳидоятҳои Сарвари давлат муҳтарам Эмомалӣ Раҳмон иҷрокунандаи вазифаи Раиси шаҳри Панҷакент Абдухолиқ Холиқзода дирӯз якчанд сокинони маъюбу ниёзманди шаҳру деҳоти шаҳрро аёдат намуд ва ба ниёзмандон кумакҳои моддӣ ва аробачаҳои маъюбӣ тақдим гардид.
Абдухолиқ Холиқзода аз таваҷҷуҳи махсус ва дастгириву ғамхориҳои ҳамешагии Пешвои миллат муҳтарам Эмомалӣ Раҳмон нисбат ба шахсони ниёзманд ёдовар шуда, бо шароити зист ва мушкилоти онҳо бевосита шинос гардид.
Мавриди зикр аст, ки давоми чанд рӯзи охир баҳри дар амал татбиқ намудани тадбирҳои инсонпарваронаи Ҳукумати мамлакат бо ташаббуси мақомоти иҷроияи ҳокимияти давлатии шаҳри Панҷакент 21 нафар шахсони ниёзманд бо аробачаҳои маъюбӣ ва кумакҳои моддӣ таъмин шуданд.
![](https://moh.tj/wp-content/uploads/2018/04/8678.jpg")
