Давоми 9 моҳи соли равон аз ҷониби Корхонаи давлатии “Заводи протезию ортопедӣ”-и шаҳри Душанбе бо филиалҳояш дар шаҳрҳои Хуҷанд, Кӯлоб ва Хоруғ дар самти таъмин намудани маъюбон бо маҳсулоти протезию ортопедӣ, ортезҳо, пойафзолҳои ортопедӣ, камарбанд, асо, асобағал, асо то оринҷ, аробачаи маъюбӣ ва дигар хизматрасониҳо як қатор корҳо амалӣ гардида, иҷрои нақшаи истеҳсолӣ дар нимсолаи якуми соли 2020 дар ҳаҷми 102% иҷро гаштааст.
Дар асоси фармоишоти Вазорати тандурустӣ ва ҳифзи иҷтимоии аҳолии Ҷумҳурии Тоҷикистон давоми 9 моҳи соли равон 596 адад аробачаи маъюбӣ, 977 адад асо, 129 адад асо барои нобиноён, 430 ҷуфт асобағал, 116 адад асобағал то оринҷ, 215 дона дастгоҳи шунавоӣ ва 150 адад роҳгардак (ходунок) ба маъюбони ниёзманд дастрас гардонида шуда, дар маҷмӯъ дар 9 моҳи соли 2020 аз ҷониби корхона ба 6932 нафар ниёзмандон хизмати иҷтимоӣ расонида шудааст.