Бахшида ба 30-солагии Истиқлолияти давлатии Ҷумҳурии Тоҷикистон бо дастгирии Ҳукумати Ҷумҳурии Тоҷикистон, Вазорати тандурустӣ ва ҳифзи иҷтимоии аҳолии Ҷумҳурии Тоҷикистон ва Мақомоти иҷроияи ҳокимияти давлатии ноҳияи Рашт баъд аз таъмири асосӣ шӯъбаи эҳёгарии Беморхонаи марказии ноҳияи Рашт бо иштироки раиси ноҳияи Рашт Муқимӣ Р. Н. ва муовини вазири тандурустӣ ва ҳифзи иҷтимоии аҳолии Ҷумҳурии Тоҷикистон Абдухолиқ Амирзода ба истифода дода шуд.
Аснои ба истифода додани шӯъбаи мазкур муовини вазири тандурустӣ ва ҳифзи иҷтимоии аҳолии Ҷумҳурии Тоҷикистон аз дастгирӣ ва таваҷҷуҳи Ҳукумати Ҷумҳурии Тоҷикистон ба соҳаи тандурустӣ ёдовар шуда, аз ҷумла иброз дошт, ки дар даврони Истиқлолияти давлатӣ маҳз бо дастгириии Роҳбарияти олии мамлакат соҳаи тандурустӣ дар ноҳияи Рашт низ рушду пешрафт намуда, ба дастовардҳои муҳиму назаррас ноил гардид.
Аз ҷумла қайд гардид, ки дар ин давра дар ноҳияи Рашт як қатор иншоотҳои тандурустӣ сохтаву бо таҷҳизоти муосири тиббӣ таъмин гардида, ба истифода дода шуданд.
Маврид ба зикр аст, ки бо ба истифода додани шӯъбаи мазкур хизматрасонии тиббӣ дар Беморхонаи марказии ноҳияи Рашт боз ҳам беҳтар хоҳад гардид.
![](https://moh.tj/wp-content/uploads/2018/04/8678.jpg")
