Дар шаҳри Бохтари вилояти Хатлон ҷиҳати беҳдошти вазъи саломатии шаҳрвандон сохтори госпиталӣ, маркази ёрии таъҷилӣ ва муассисаҳоои кӯмаки аввалияи тиббию санитарӣ, 3 муассисаи хусусӣ (маркази тиббии “Даво”, маркази тиббии “Хатлон” ва маркази саломатии “Акси шифо”) ва 22 муассисаи тиббии вилоятӣ, 17 ҳуҷраи давлатию хусусии дандонпизишкӣ, 10 ҳуҷраи ташхисии ултрасадо ва 109 дорухона ба аҳолии шаҳр ва берун аз он хизмат мерасонанд.
Дар сохтори госпиталии шаҳр шӯъбаҳои ҷарроҳӣ, таваллуд, амрози дарунӣ, эҳёгарӣ ва таҳлилгоҳ фаъолият мекунанд, ки дар онҳо 120 кати хоб мавҷуд буда, шумораи коргарон 276 нафар, аз ҷумла духтурон 34 нафар, 149 нафар кормандони миёнаи тиб ва 63 нафар кормандони хурди тиб мебошанд. Аз шумораи умумии кормандони беморхонаи клиникиии шаҳр 217 нафарашон занон мебошанд.
Дар давоми ҳашт моҳи соли 2019 дар беморхонаи шаҳр 4 ҳазору 165 нафар беморон бистарӣ гардида, 4 ҳазору 105 нафари онҳо табобат гирифтаанд.
Дар муассисаҳои кӯмаки аввалияи тиббию санитарии шаҳр 461 нафар мутахассисон ба шаҳрвандон хизмати тиббӣ расонида, аз байни онҳо 103 нафарашон духтур, 262 нафар кормандони миёнаи тиб ва 58 нафари дигар кормандони хурди тиб мебошанд. Дар давраи ҳисоботӣ кормандони муассисаҳои мазкур 93 ҳазору 126 нафар беморонро қабул намудаанд.
Дар маркази ёрии таъҷилии тиббии шаҳр 109 нафар фаъолият намуда, ба сокинони шаҳр ва қисман берун аз он хизмати тиббии шабонарӯзӣ мерасонанд. Аз шумораи умумии кормандон 20 нафар духтурон, 34 нафар корманадони миёнаи тиб ва 20 нафар кормандони хурди тиб мебошанд.
Вазъи бемориҳои сирояткунанда дар шаҳри Бохтар муътадил буда, бемориҳои сироятии ниҳоят хавфнок, аз қабили сӯхтанӣ, таби хунин ва бемории исҳоли хунин ба қайд дар миёни сокинони шаҳр ба гирифта нашудааст.