Вазири тандурустӣ ва ҳифзи иҷтимоии аҳолии Ҷумҳурии Тоҷикистон Ҷамолиддин Абдуллозода ҷиҳати аз наздик шиносоӣ пайдо намудан бо ҷараёни корҳои таъмирӣ аз Беморхонаи марказии ноҳияи Ёвон дидан намуд.
Аснои боздид вазири тандурустӣ ва ҳифзи иҷтимоии аҳолии мамлакат ҷиҳати боз ҳам дар сатҳи баланд анҷом додани корҳои таъмирӣ ба масъулин дастуру супоришҳои мушаххас дод.
Қайд кардан ба маврид аст, ки бо мақсади сазовор истиқбол гирифтани ҷашни бузурги миллӣ-30-солагии Истиқлолияти давлатии Ҷумҳурии Тоҷикистон айни замон дар тамоми гӯшаву канори мамлакат корҳои таъмирию тармимӣ ва бунёду азнавсозии муассисаҳои тандурустӣ бомаром идома доранд.
Натиҷаи таваҷҷуҳи хосаи Роҳбарияти олии кишвар ба соҳа мебошад, ки дар тамоми гӯшаву канори мамлакат муассисаҳои тандурустии муҷаҳҳаз бо навтарин таҷҳизоти тиббӣ ба сокинони кишвар дар сатҳи баланд хизмати тиббӣ мерасонанд.