Бо мақсади иҷрои дастуру супоришҳои Асосгузори сулҳу ваҳдати миллӣ, Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон дар самти беҳтар намудани сатҳ ва сифати хизматрасонии тиббӣ ба аҳолӣ роҳбарияти Вазорати тандурустӣ ва ҳифзи иҷтимоии аҳолии Ҷумҳурии Тоҷикистон пайваста ба шаҳру навоҳии кишвар сафар намуда, бо вазъи муассисаҳои тандурустӣ аз наздик шинос шудаву бо беморон ва кормандони соҳа суҳбати озоду ошкоро анҷом дода, баҳри бартараф намудани мушкилот ва камбудиҳои ҷойдошта тадбирҳои муҳиму саривақтиро амалӣ менамояд.
Бо мақсади аз наздик шиносоӣ пайдо намудан бо фаъолияти муассисаҳои тандурустӣ муовини вазири тандурустӣ ва ҳифзи иҷтимоии аҳолии мамлакат Абдухолиқ Амирзода ба шаҳри Исфараи вилояти Суғд сафар намуда, бо фаъолияти Беморхонаи №1-и деҳаи Ворухи шаҳри мазкур аз наздик шинос шуд.
Номбурда аснои боздид бо рафти хизматрасонии тиббии шӯъбаҳои беморхонаи мазкур инчунин аз анбори захираи маводи дорувории ин муассиса низ шинос шуда, баҳри беҳтар намудани сифати хизматрасонии тиббӣ ба аҳолӣ ба масъулин дастуру супоришҳои мушаххас дод.
![](https://moh.tj/wp-content/uploads/2018/04/8678.jpg")
