Бо мақсади аз наздик шиносоӣ пайдо намудан бо фаъолияти муассисҳои тандурустӣ роҳбарияти Вазорати тандурустӣ ва ҳифзи иҷтимоии аҳолии Ҷумҳурии Тоҷикистон гаштҳои шабона ва рӯзонаро ба роҳ мондааст.
Имрӯз, 18 майи соли равон вазири тандурустӣ ва ҳифзи иҷтимоии аҳолии Ҷумҳурии Тоҷикистон Ҷамолиддин Абдуллозода аз рафти фаъолияти Беморхонаи клиникии шаҳрии бемориҳои сироятии шаҳри Душанбе ва Муассисаи давлатии “Маркази тиббии шаҳрии №1”-и пойтахт дидан намуд.
Аснои боздид аз Беморхонаи клиникии шаҳрии бемориҳои сироятии шаҳри Душанбе Ҷамолиддин Абдуллозода, вазири тандурустӣ ва ҳифзи иҷтимоии аҳолии Ҷумҳурии Тоҷикистон бо рафти табобати як қатор беморон низ шинос гардида, баҳри хизматрасонии босифати тиббӣ ба масъулин дастуру супоришҳои мушаххас дод.
Дар Маркази тиббии шаҳрии №1-и пойтахт вазири тандурустӣ ва ҳифзи иҷтимоии аҳолии мамлакат бо наздикони беморон, ки дар назди бинои муассиса қарор доштанд, суҳбати озоду ошкоро анҷом дода, бобати хизматрасонии тиббӣ аз онҳо пурсон шуд.
Бояд гуфт, ки ҳадафи ташрифи роҳбарияти вазорат ба муассисаҳои тандурустӣ-ин пеш аз ҳама таҳлил ва баррасии вазъи феълии соҳа, шиносоӣ бо фаъолияти муассисаҳои тандурустӣ, суҳбати озоду ошкоро бо беморон ва наздикони онҳо, бартараф намудани мушкилот ва камбудиҳои ҷойдошта ва дар ин замина боз ҳам беҳтар намудани сатҳ ва сифати химзатрасонии тиббӣ ба аҳолӣ мебошад.
![](https://moh.tj/wp-content/uploads/2018/04/8678.jpg")
