Бо мақсади дар сатҳи зарурӣ ва ҷавобгӯ ба талаботи давр расонидани кумакҳои тиббӣ ба сокинон шӯъбаи бемориҳои дили беморхонаи Марказии нохияи Кубодиён таъмир гардида дар ин росто бунёди марказҳои саломатии як қатор ноҳияҳои дигар дар ҳоли идомаёбӣ қарор гирифтааст. Инчунин як қатор шӯъбаҳову марказҳои соҳаи тиб бо таҷҳизоти муосири соҳавӣ таъмин карда шуданд.
Мувофиқи иттилои расида дар беморхонаи Марказии ноҳияи Кубодиён шӯъбаи бемориҳои дил таъмир гардид. Ин имконият медиҳад, ки сатҳу сифати хизмарасонии тиббӣ ба шаҳрвандони ноҳия беҳар гардида маризони бемории дил ва фишорбаландї саривақт ба табобат фаро гирифта шаванд.
Инчунин бо ибтикори Вазорати тандурустӣ ва ҳифзи иҷтимоии аҳолии ҶумҳурииТоҷикистон дар бахши кӯмаки аввалияи тиббию санитарии нохия дастгоҳҳои нави соҳавӣ барои ташхиси бемории асаб, эпилепсия ворид карда шуд.
Айни ҳол бо дастгирии молиявӣ Бонки Умумиҷаҳонӣ дар ноҳияи Ҷ.Балхӣ сохтмони МСД «К.Маркс», МСД «Андреев» ва дар ноҳияи Ёвон МСД «Дустӣ», МСД «Қулобод» дар ҳоли идомаёбӣ қарор доранд, ки ба фаъолият шуруъ намудани ин бунгоҳҳои тиббӣ ба пешрафти соҳа саҳми назаррас хоҳанд гузошт.
![](https://moh.tj/wp-content/uploads/2018/04/8678.jpg")
