Шумораи нафароне, ки аз бемории коронавируси 2019-nCoV комилан шифо ёфтаанд, аз шахсони фавтида аллакай ду баробар зиёд аст. Дар ин бора намояндаи расмии ВКХ-и Чин Хуа Чунин ба расонаҳо иттилоъ додааст.
«Давоми рӯзи гузашта (4 феврал- эзоҳи ТАСС) беморони шифоёфта ва раҳошуда аз беморхона нисбат ба фавтидагон тақрибан чор маротиба зиёдтар буданд. Дар маҷмӯъ, беморони табобатшуда ва аз беморхона баромада дар қиёс бо шахсони аз ин касалӣ нобудшуда ду баробар зиёданд», — изҳор намудааст намояндаи Вазорати корҳои хориҷии Чин.
«Мо эътимоди комил ва имконият дорем, ки ояндаи наздик дар ин набард пирӯз шавем. Мо ин корро на танҳо ба хотири мардуми Чин, балки барои ҳифзи тандурустии тамоми инсоният анҷом медиҳем»,- илова намудааст Хуа Чунин ба расонаҳо.
Қаблан корманди сафорат изҳор намуда буд, ки фавт аз бемории коронавируси нав дар Чин 2,1 фоизро ташкил медиҳад, ки назар ба бемории шуши ғайримуқаррарӣ хеле кам аст.
![](https://moh.tj/wp-content/uploads/2018/04/8678.jpg")
