Мақомоти Чин тасмим доранд, ки пас аз анҷом ёфтани таҳқиқот ва озмоиш ваксинаи коронавирусро дастраси тамоми ҷаҳон намоянд. Дар ин бора дар як нишасти матбуотӣ рӯзи якшанбе ба муносибати нашри Китоби сафед таҳти унвони «Мубориза бо COVID-19: амалҳои Чин», ки аз ҷониби Шӯрои давлатии Ҷумҳурии мардумии Чин омода шудааст, вазири илм ва технологияи ҶМЧ Ван Ҷиганг изҳор дошт, хабар медиҳад АМИТ «Ховар» бо истинод ба ТАСС.
«Ҳангоми таҳияи ваксина ба таъмини бехатарӣ, самаранокӣ ва дастрасии он афзалият дода мешавад. Ҷаҳонро зарур аст, ки дар коркарди ваксинаҳо ҳамкории худро дар марҳилаҳои минбаъда низ тақвият бахшанд» -гуфт ӯ.
“Вақте ки ваксина барои истифода омода мешавад, мо он ӯҳдадориҳое, ки раиси ҶМЧ Си Ҷинпин дар Ассамблеяи 73-юми ҷаҳонии тандурустӣ изҳор дошта буд иҷро карда, онро дастраси тамоми ҷаҳон хоҳем кард» — илова намуд роҳбари ташкилот.
Номбурда қайд кард, ки айни замон олимони чинӣ ҳаддиақал панҷ намуди ваксинаҳоро коркард карда истодаанд. Баъзеи онҳо аллакай ба озмоиши доруҳо оғоз кардаанд.
Аксҳо: © EPA-EFE / NARONG SANGNAK, бойгонӣ
![](https://moh.tj/wp-content/uploads/2018/04/8678.jpg")
