Созишномаи молиявӣ байни Ҳукумати Ҷумҳурии Тоҷикистон ва Бонки Исломии Рушд оид ба лоиҳаи “Беҳтар намудани хизматрасонии тиббӣ барои модару кӯдак дар чор ноҳияи вилояти Хатлон”-и Ҷумҳурии Тоҷикистон тасдиқ карда шуд.
Дар ин бора Қарори Маҷлиси намояндагони Маҷлиси Олии Ҷумҳурии Тоҷикистон аз 18 декабри соли 2019, №1548 ба тасвиб расидааст.
Бояд гуфт, ки ҳаҷми умумии маблағи лоиҳа 26, 87 миллион доллари ИМА-ро ташкил медиҳад, ки аз ин миқдор 23 миллион доллар саҳми Бонки Исломии Рушд, сањми агентињои СММ (ЮНИСЕФ, ТУТ, ЮНФПА) 1 005 000 доллари ИМА ва сањми Њукумати Љумњурии Тољикистон 2, 860 миллион доллари ИМА мебошад.
Лоиҳа ноҳияҳои Балҷувон, Данғара, Ховалинг ва ш. Нораки вилояти Хатлони Ҷумҳурии Тоҷикистонро дар бар мегирад.
Лоиҳаи мазкур аз се қисмат иборат буда, қисми аввали он дастрас намудани таҷҳизот ва рушди инфрасохтори муассисаҳои тандурустии ноҳияҳои таҷрибавӣ -сохтмони Маркази саломатии бисёрсоҳавии ноҳияи Данғара, таъмир ва барқарорсозии Беморхонаи марказии шаҳри Норак ва сохтмони Беморхонаи марказии ноҳияи Ховалингро дарбар мегирад.
Қисмати дуюми лоиҳа дастрас намудани таҷҳизот ва маводи таббӣ ба беморхонаҳои марказии чор ноҳияҳои таҷрибавӣ ва Маркази саломатии бисёрсоҳавии ноҳияи Данғара мебошад. Ҳамзамон, дар доираи лоиҳа 87 бунгоҳи тиббӣ, 42 маркази саломатии ноҳиявӣ ва деҳотӣ бо таҷҳизоти замонавӣ сохта ба истифода дода хоҳанд шуд. Инчунин, 9 нақлиёти ёрии фаврии тиббӣ барои беҳтар намудани системаи интиқоли беморон ба беморхонаҳои ноҳияҳои таҷрибавӣ харидорӣ ва дастрас карда мешавад, ки ин мошинҳо низ пурра бо таҷҳизоти муосири тиббӣ ҷиҳозонида хоҳанд шуд. Ин қисмати лоиҳа ҳамзамон, дастгирии рушди институтсионалӣ, захираҳои инсонӣ ва чорабаниҳо оид ба баланд бардоштани сатҳи иттилоотнокии аҳолиро дарбар мегирад.
Қисмати сеюми лоиҳа дастгирии идоракунии лоиҳавӣ мебошад.
![](https://moh.tj/wp-content/uploads/2018/04/8678.jpg")
