Имрӯзҳо дар доираи иҷроиши «Барномаи миллии рушди донории хун ва ҷузҳои он дар Ҷумҳурии Тоҷикистон барои солҳои 2015-2019», дар тамоми муассисаҳои вилояти Хатлон бо мақсади баланд бардоштани раванди харакати донорӣ, тибки карори Ассамблеяи Ташкилоти умумиҷаҳонии тандурустӣ, дар асоси Қонуни Ҷумҳурии Тоҷикистон «Дар бораи донори хун ва ҷузъҳои он» супоридани хун идома дорад.
Ба иттилои дастрас давоми соли 2017 дар муассисаи давлатии «Маркази ҷумҳуриявии илмии хун»- и ш. Қурғонтеппа ва намояндагиҳои муассисаи мазкур дар шаҳру навоҳии вилояти Хатлон 4 204 нафар донорҳои хунсупор ва плазмасупор ба қайд гирифта шудааст, ки ин шумора нисбат ба соли 2016 15% афзоиш ёфтааст.
Ҳамзамон бо мақсади ноил гардидан ба раванди босуръати ҳаракати донорӣ зери шиори «Донори хун шав ва ҳаётеро наҷот деҳ» дар ҷойҳои муаяй банерҳои таблиғотӣ гузошта шуда, инчунин варақаҳои иттилоотӣ миёни сокинон тақсим карда шудааст.