Имрӯз, 17 майи соли равон бо ташаббуси Дафтари минтақавии ТУТ дар Аврупо оид ба натиҷагирӣ аз фаъолияти намояндагиҳои СУТ дар давлатҳои минтақавӣ ҷаласаи онлайнӣ доир гардид, ки дар он Директори минтақавии ТУТ дар Аврупо Ханс Клюге, вазири тандурустӣ ва ҳифзи иҷтимоии аҳолии Ҷумҳурии Тоҷикистон Ҷамолиддин Абдуллозода, намояндагони вазоратҳои тандурустии кишварҳои Россия, Ӯзбекистон, Қазоқистон, Қирғизистон ва Туркманистон иштирок намуданд.
Зимни ҷаласаи онлайнӣ Директори минтақавии ТУТ дар Аврупо Ханс Клюге доир ба фаъолияти намояндагиҳои Созмони ҷаҳонии тандурустӣ дар давлатҳои минтақавӣ суханронӣ намуд.
Инчунин, дар ҷаласа вазири тандурустӣ ва ҳифзи иҷтимоии аҳолии Ҷумҳурии Тоҷикистон Ҷамолиддин Абдуллозода низ доир ба фаъолияти ТУТ дар Тоҷикистон суханронӣ намуд.
Дар анҷом ҷонибҳо ҷиҳати боз ҳам тақвият бахшидани ҳамкориҳо ҳавасмандии хешро иброз намуданд.
![](https://moh.tj/wp-content/uploads/2018/04/8678.jpg")
