Сентябр 02
15:10
2019
Бахшида ба 28-умин солгарди Истиқлолияти давлатии Ҷумҳурии Тоҷикистон ва Рӯзи дониш ба беш аз 200 нафар ятимони кул ва кӯдакони оилаҳои ниёзманди шаҳри Гулистон либосҳои мактабӣ тақдим карда шуд.
Дар ин бора аз мақомоти иҷроияи ҳокимияти давлатии шаҳр иттилоъ дода, афзуданд, ки тибқи дастуру супоришҳои доимии Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон мақомоти иҷроияи ҳокимияти давлатии шаҳри Гулистон бахшида ба иду ҷашнҳои давлатӣ ба қишри ниёзманди ҷомеа пайваста кумакҳои моливу моддӣ мерасонад.
Ба иттилои манбаъ либосҳои мактабӣ бо ташабууси мақомоти иҷроияи ҳокимияти давлатии шаҳр, ташкилоту идораҳо ва соҳибкорони маҳаллӣ харидорӣ ва ба наврасон эҳдо карда шудааст.
![](https://moh.tj/wp-content/uploads/2018/04/8678.jpg")
