Сарраёсати Хадамоти назорати давлатии тандурустӣ ва ҳифзи иҷтмиоии аҳолӣ дар вилояти Хатлон дар арафаи Иди Қурбон ба Мактаб-интернати ҷумҳуриявӣ барои кӯдакони ятими ноҳияи Ёвон маводҳои доруворию гигиенӣ дастрас намуд.
Тавре аз маркази матбуоти Сарраёсати Хадамоти назорати давлатии тандурустӣ ва ҳифзи иҷтимоии аҳолӣ дар вилояти Хатлон ба moh.tj хабар доданд, ин иқдом дар партави дастуру супоришҳои Асосгузори сулҳу ваҳдати миллӣ, Пешвои миллат, Президенти Ҷумҳурии Тоҷикистон мӯҳтарам Эмомалӣ Раҳмон доир ба дастгирии қишри ниёзманди ҷомеа кӯмакҳои хайриявӣ, аз қабили маводҳои доруворӣ, маводҳои гигиенӣ ба маблағи 6,5 ҳазор сомонӣ ба мактаб-интернати номурда супорида шуд.
Бояд гуфт, ки роҳбарияти сарраёсати мазкур дар арафаи ид ва ҷашнҳои миллию давлатӣ дар ҳамбастагӣ бо соҳибкорони соҳаи фармасевтии вилоят даст ба корҳои хайриявӣ зада, ба ниёзмандон кӯмакҳои гуногун мерасонанд. Масъулини сарраёсат кушиш мекунанд, ки сиёсати иҷтимоии роҳбарияти кишварро сармашқи кори худ қарор дода, кӯмаки хешро ба ниёзмандон дареғ намедоранд.