Имрӯз, 3 июни соли равон миёни вазоратҳои тандурустии як қатор кишварҳои ИДМ оид ба масъалаҳои коронавирус видеоконфронс доир гардид, ки дар он муовини якуми вазири тандурустӣ ва ҳифзи иҷтимоии аҳолии Ҷуҳмурии Тоҷикистон Саида Умарзода иштирок намуд.
Дар видеоконфронси мазкур намояндагони вазоратҳои тандурустии кишварҳои Россия, Тоҷикистон, Қазоқистон, Ӯзбекистон, Қирғизистон иштирок намуда, вобаста ба вазъи бемории КОВИД-19 дар мамлакатҳои хеш иттилоъ доданд.
Аз ҷумла муовини якуми вазири тандурустӣ ва ҳифзи иҷтимоии аҳолии Ҷумҳурии Тоҷикистон Саида Умарзода дар видеоконфронси мазкур баромад намуда, иброз дошт, ки то 2 июн дар кишвар 4100 нафар бо ташхиси сирояти коронавируси нави КОВИД-19 ошкор гардида, аз ин беморӣ то кунун дар мамлакат 2217 (54%) нафар шифо ёфтаанд. Ҳамзамон, то санаи зикргардида дар мамлакат аз ин беморӣ 47 нафар фавтидаанд.
Ҳамзамон, дар видеоконфронс ҷонибҳо вобаста ба роҳҳои пешгирӣ ва табобати гирифторони бемории КОВИД-19 табодули афкор намуда, ҷиҳати боз ҳам густариш додани ҳамкориҳо дар ин самт ҳавасмандии хешро иброз намуданд.
![](https://moh.tj/wp-content/uploads/2018/04/8678.jpg")
